الرئيسية
عمل موضوع جديد
1 - عند فتح الصفحة الرئيسية تظهر جميع المنتديات المختلفة كما بالصورة التالية
نفتح المنتدى الى عاوزين نضيف فية موضوع حسب نوع الموضوع
مثلا هنفتح منتدى شروحات البرامج
وعند فتح المنتدى سنجد على يسار الصفحة عبارة
NEW TOPIC
كما بالصورة
بعدها هيظهرلنا كما بالصورة التالية
أهم شئ مننساش رقم 1 وهى وضع عنوان مناسب
ورقم 2 وذلك للتحويل من وضع اضافة الموضوع عن طريق الأكواد الى الوضع العادى
ودة علشان لو مثلا جايب موضوعك من ملف ورد يجيلك بنفس التنسيق والالوان
طبعا نسقنا الموضوع وتمام التمام عاوزين مثلا نضيف صورة
هنشرح بالتفصيل الملل
أضافة صورة للمشاركة
دلوقتى أهم حاجة الصورة فين
1- هل هى على موقع من المواقع ؟
2- هل هى على الميل بتاعك حد بعتهالك ؟
3- هلى هى على جهازك ؟
بالنسبة للحالة 1 و الحالة 2
اعمل الأتى - روح على الصورة سواء على موقع أو على ميل مبعوتلك وقف على الصورة وبالزر الأيمن للماوس أضغط
PROPERTES سيفتح لك صفحة صغيرة بها كلمة ADRESS وبجاورها عبارة - بزر الماوس الأيسر كليك مع السحب وعلم على كل العبارة ثم يمين وأختار COPY كما بالصورة التالية
تمام لحد دلوقتى وبقى معانا كوبى من رابط الصورة
نروح بقى فى المشاركة على أيقونة اضافة صورة هتفتح زى كدة بالضبط
هتلاقى الصورة ظهرت ادامك علطول هدوس على السهم لتحت وبعدها انتر علشان تكمل كتابة كلامك او تعيد تانى وتضيف صورة تانية وتالتة براحتك بقى
نيجى بقى لو الصورة على جهازك هتعمل فيها اية
شوف يامعلم أولا لازم ترفعها على النت الأول - ازاى ؟ هقولك يكون معاك فى الاول اى موقع لرفع الصور
وفى راى احسن موقع رفع هو دة http://www.up.vi2tu.com/
لما تفتح الموقع دة هيفتحلك زى الصورة كدة
هتختار الصورة من جهازك وتدوس أبدأ الرفع ساعتها يتفتحلك كدة
جارى الرفع يامعلم - العملية مبتخدش ثوانى على فكرة بعد ما يخلص هيفتحلك كدة
هتعلم على اللينك الى جوة المستطيل وتاخدة كوبى بس خد بالك لتاخد حرف زيادة أو تسيب حرف
وترجع بقى للمشاركة وتدوس على أيقونة اضافة صورة وتحط اللينك الى معاك
وساعتها هتظهرلك الصورة عادى
حاسس انى طولت اوى
هنخلى للموضوع باقية وفيها هقول ازاى تضيف رابط لبرنامج او لاى شئ حابب الأخوة تنزلة
كمان ازاى تخلى الرابط بتاعك على كلمة او صورة
ياريت لو حد عاوز اى أستفسار يسال
خلينا نبقى زى المنتديات المحترمة
على فكرة كلمة منتدى يعنى هات وخد وحوارات وكلام
مش تدخل تقرا وتمشى وخلاص
ويالا كفاية كدة
